|
Ayamun cyber-tasàunt n tsekla n
Tmaziàt ayamun cyber-revue
de littérature berbère Numéro
7 Juillet2001 55 pages Les polices amazighes peuvent être téléchargées en cliquant
ici : http://www.ifrance.com/ayamun/Fontesamazighes.zip |
Retour
au titre
Sommaire:
1)_Le texte en
prose:
Aɣebbar s allen, essai de traduction de « la
poudre d’intelligence » de Kateb Yacine
2ème partie
2)_ L’interview : Ɛmer Mezdad
interviewé par R.ALICHE,
Journal Liberté 3_Le poème :ADLIS N WAƐLI (4), Tukkist seg ungal
Tagrest Urɣu
|
Retour en haut
Numéro 14 Juillet 2001
Aɣebbar s allen essai de traduction de « la poudre d'intelligence » de Kateb Yacine (amudd wis-sin)
ASHURRU ILUL-D SEG USARAG. AD NSEL I TIƔRI UGELLID. AGELLID
: Afelsef-a i-wumi-t ? Maççi d
axemmem d tiẓeryin i d-yessekcamen tabzert. Acu i ɣ-ilaqen d ureɣ d iguta deg
tmura-nniḍen, i-wakken agdud ad yaf iman-is daɣ iqeddacen n Ddewla. Anagar Rebbi i ɣ-izemren
a-ɣ-isellek. Ad iḥareb Rebbi ɣef wegdud. Ad yemneɛ Rebbi Agdud-nneɣ seg
imcebblen yezgan. Ad aɣ-yemneɛ Rebbi seg At-tmenǧert,
seg imfelsafen, seg idderwicen, akked imussnawen.
ASARAG, LMEFTI D AMENZU. (YEẒZAD AWAL): Ad aɣ-yemneɛ Rebbi seg
imcebblen yeggten…. ṬTEMMAN
YAKK AD FFƔEN. TARBAƐT XXMA-XMAT LA-D-TEŢŢEZZI I ČAQLALA, NEŢŢA YEZGA
YEŢKEYYIF ULAC AMESLAY. ABERRAH: (ISKEN-D ČAQLALA) Twalam argaz-a izdeɣ-it yeblis. Yeţciri,
kra ara yeḍrun yeẓra-t. Acu kan ata-n yeqqim kan d iɣimi. La-yekkat ccira I
d-yeţţawin lmut xmat-xmat, amzun d ahendiw.
AKKUD. TARBAƐT TUƔAL ƔER TMEṢLḤIN, LA-JEBBDENT. TARBAƐT TUZA-D TEBƔA KRA. ČAQLALA: (YEQBER) D ayen ! D ayen ! Icaḍ
! Icaḍ wexwaḍ deg yejdi. ABERRAH
: Akka i ţ-id-yenna ugellid. Aɣemriw
n yejdi fell-aɣ alamma nemmut. Ureɣ d yiseɣ i ugellid. Takka d yizan d
amur-nneɣ…. TARBAƐT
: Win yebɣan ad yessider ilaq-as ad
yexdem. Akka i d-yenna Rebbi deg awal-is. Akka i d-yenna Ugellid, akka i
d-yenna Lmefti. Ilaq-aɣ an-nexdem i- wakken
an-neçç talqimt. ČAQLALA: Ayih, ayih ! Fehmeɣ-kken. Kunwi la-txewwḍem
ijdi, nekk la-kemmzeɣ aqerru-w. Anda teţţarra tili-nnwen, anda teţţarra
tidmi-inu ? Kra din yeɛreq, kra
din yerwi, Rebbi neţţa yemneɛ, yemneɛ daɣen ugellid d lmefti. TARBAƐT
: (FELLQEN SI ZZSEF, DDAN-Ţ ƔEF ČAQLALA) La-ikeffer !
La-ikeffar ! Takeffart n tkeffarin ! MI
YERWEL AKKEN, ČAQLALA YESEMNAƐ ASEBSI-INES, ACU KAN YEǦǦA DIN TAQBUCT. ABERRAḤ
: Aḥeq-Rebbi, ar d imfelsef yerna d
tideţ, allaɣ-ines d uzzal maççi d uffal. Asebsi yezga ɣef yimi, taqbuct n
ccrab asemmaḍ …. ČAQLALA: (SEG UDDERBUZ AKK-IN I USAYES ) Ay aɛraben, ccrab
yella kunwi yenɣa-kken fad ! TILLAS.
TIYITA N ṬTBEL.TAFAT. TARBAƐT,
SSEKREN YAKK, la-S-ŢŢEZZIN I TEQBUCT CEṬTḤEN, la-ŢŢURUN DAƔEN : "La ikeffer ! la-ikeffer ! Takeffart n
tkeffarin ! ". TIYITA N ṬTBEL ƔEZZIFFEN.
TILLAS.TAFAT. ČAQLALA ATA-N DEG WURTI, LA-YEŢŢAKER TIBEṢLIN. ČAQLALA: D takekkuct, d takekkuct tinna iweɛren, takekkuct
ufelsef ! Ulac taɣdemt. Neɣ ahat yegget lḥeqq armi la-yeţţenfal. Nekk s
timmad-iw, aql-i la-ţţakreɣ tibeûlin di
tebḥirt n Lmefti.
TIYITA N ṬTBEL. AD D-YEKCEM LMEFTI. DƔA DIN I-YEŢWAṬTEF ČAQLALA,
TAREWLA ULAC. TIBṢELT DEG UFUS-IS, YEŢNADI ACU AR AD D-YAF. LMEFTI :
(S UMASLEK) acu i k-id-yewwi ɣer
da, ay imfelsef. ČAQLALA: D tabuciṭant.... D tabuciṭant yeqwan …. Tebra-yi-d
ɣer tebḥirt-ik nekk ur bɣiɣ. LMEFTI :
I tbeûlin-a acu i tent-id-iqeleen ? ČAQLALA: Ɣas akka nniɣ-ak d tabuciṭant, meɛna izad
i-izaden. D aɣimriw ! d ssieqa ɣur-es lqewwa dayen kan. Limer ur ṭtiffeɣ ara di
tbeûlin-a yili tegla yiss-i …. LMEFTI :
(IƔIL DAYEN YEṬTEF IT) I tbeûlin-a deg
uqelmun-ik ? ČAQLALA: Ula d nekk tufiḍ-iyi-d bateɣ amek armi
aqelmun-iw yeççur d tibeûlin. D ayen i yi-d-tufiḍ ţxemmimeɣ-as mi d-tewḍeḍ. TILLAS. TIYITA N ṬTBEL ƔEZZIFFEN. ČAQLALA ITTUNEWWA, LA-YEDDELWIḤ.
TARBAƐT AGEMMAḌ TQURREƐ-IT-ID. ČAQLALA: Atan wegdud la-yesqirdiḥ, la-yeţkellix,
anef i ikewwacen n Lmefti …… (YEBDA TAẒALLIT) A Rebbi ameɛzuz deg leɛnaya-k
ma ur iyi-tsurfeḍ, ma ţţreɣ-k-in deg wezrug armi ur k-in-ufiɣ ara di lǧameɛ. MI D-YENNA IMESLAYEN-A,
YIWEN N TTAǦER YERWAN YEKNA-D SI LMAC-IS. ČAQLALA AMZUN KRA UR YELLI, LA-YEŢKEMMIL TAZALLIT-IS, ACU YERNA-YAS CWIṬ N ZZHIR SEGMI I S- IFAQ
I TTAǦER. ČAQLALA
: A Rebbi, tlata tikkal ! A Rebbi, tlata tikkal
! A Rebbi, tlata
tikkal ! TTAǦER :
(YEKNA-D) Acu-t ukeffriw-a ? Ah, ziɣ ula d nekk d nniyya. D winna
yeţusemman d imfelsef, adderwic-nni, bu-eeryan. ČAQLALA: A Rebbi, tlata tikkal ! Ḥess-iyi-id a Rebbi tlata tikkal ! Tesliḍ-iyi-d neɣ
nndah ? Ḥwaǧeɣ 100 n teryalin
n wureɣ. Acu ara geɣ yiss-ent ? Maççi d ccɣel-ik ! Seɣli-yi-d 100
teryalin n wureɣ, dɣa ma d tideţ keçç d Rebbi. Ayen-nniḍen yexḍa-k. TTAǦER
: Ur-ǧin walaɣ amdan ijehlen am wa !
La-yeţkellix ɣef Rebbi ur t-id-uɣalent wallen ! Yerna zdat wemnar-iw, nekk
yebnan lǧameɛ ! Ur ilaq ara ad as-anfeɣ ad ireggem
akka einani. ČAQLALA: (YIWEN WURAR) A Rebbi, tlata tikkal
! Seɣli-iyi-d 100 n
teryalin n wureɣ, ţɣawaleɣ. 100 n teryalin n wureɣ, i-wakken ad ggten ɣur-i
imeddukal. Ad fruɣ wid i yi-ţţalasen. Acu yellan di 100 n teryalin n
wureɣ, ur wwint ur rrint. Seɣli-iyi-tent-id. Bɣiɣ
100 swa-swa. Ur teţzidi yiwet, ur teţxassa yiwet. TTAǦER: (YEŢŢECMUMUḤ) Abrid-a dayen ad d-seɣliɣ
fell-as tiggugemt a-t-skuccbeɣ. La-yeţkellix
s Rebbi, neţţa ata-n yessaɣ-as taftilt. Ihi, la-yeţfurru
uqerru-w, ufiɣ-d yiwet n tikti aţţa-n tebɣa ad iyi-d tenqer atabani. (DƔA, TTAǦER
YEKKES ATABANI, YESENSER-D TAXRIṬ YEFSI-Ţ IMIR-IMIR). Ihi, nekkni s widak
yeţjaren di Ddin, neţţawi ayla-nneɣ ɣef uqerru, yezga fell-aɣ. Ula d tiktiwin
azal-nnsent meqqer maççi d kra. Amfelsef meskin yeţɣiḍ
! Bɣiɣ ad as-tanẓeḍ i Rebbi deg
treggmeḍ, ad seḍseɣ deg k yakk tamdint, a-k-awin medden d awal. MI
D-YENNA IMESLAYEN-A, TTAǦER YEBRA I 99 N
TERYALIN N WUREƔ, YIWET-YIWET, ƔLINT-D ZDAT IḌARREN N ČAQLALA. NEŢŢA IḤEŢŢEB-ITENT YIWET-YIWET. I
TAL TARYALT ARA D-YESSEƔLI TTAǦER AD
IWEHHI I MEDDEN AMZUN D INIGAN. ČAQLALA: Tesɛa-u-tesein …. Txus yiwet ! Deg
mi i qqaren ulac ayen ifazen, kra din
ixus-it kra di ddunit, ɣas yekka-d seg irebbi Rebbi s timmad-is. Yerna nekk
ur t-ɣileɣ ara d amecḥaḥ. Ecfu, a
Rebbi ameɛzuz, ţţalaseɣ-ak yiwet n teryalt. Ɣur-i inigan. TTAǦER : (YEFFEƔ-IT LASQEL ) Ay
imezli, a yiwen ukkafriw. Ẓriɣ ur teţţaṭtafeḍ ara deg awal. (I TERBAƐT) Twalem, teslam ? TARBAƐT: Ur nwala ur nesla. Ur aɣ-d-yewwiḍ kra. TTAǦER: (YUDER-d ƔER-WEZNIQ ) Ah, ay imakaren, ay
imezliyen, ay ikkafriwen, ay imelluẓa ! Amek, ur teslam ara ? Yessuter i
Rebbi 100 n teryalin n wureɣ ur teţzidi yiwet ur teţxassa
yiwet. Amek ur iyi-d-twalam ara mi-s d-ḍeggreɣ 99 n teryalin si teḍwiqt,
yerra-tent s aqelmun ? TARBAƐT: Ur nwala, ur nesla. Ur d nekkni i tent-iferrun . TTAǦER: D tideţ, ay ieeryanen, ay unggifen
ulint telkin, ur-ǧin tumnem s wid i
tent-iferrun. Ma d nekk umneɣ
yiss-en. Amek, limer maççi d nutni, amek ara
s-menɛeɣ ayla-w fell-awen ay ixeddeɛen ? Wid i tent-iferrun !
Tennam-ţ-id. Eyyaw ɣer
lqaḍi. Eyyaw,eyyaw ! (IHUCC ČAQLALA) Acu teţraǧuḍ ? ČAQLALA: Amek ara dduɣ ɣer lqaḍi s ijerbbuben-a lsiɣ.
Keçç, aqenddur yerqem s wureɣ yeţţak-ak lhiba. Ma d nekk ajellab yerka. Kra yellan
ad d-yuɣal fell-i. (I MEDDEN) acu twalam ? TARBAƐT: Ɣur-es lḥeqq. Ferrunt s lḥeqq ma ɛedlen wid
eɛnant, xersum deg udem. Taɣdemt ma ɛedlen wid icureen. TTAǦER: Sraḥeɣ-ţ, ẓriɣ ad teddum yid-es, amek
ihi, acu kan zemreɣ-awen akken ma tellam. Ay Akli ! (YEFFEƔ-D WAKLI ) Awi-yi-d gma-s
uqenddur-agi lsiɣ. (I ČAQLALA ) I tura ad teddum yid-i ɣer
wexxam-n-ccreɛ, neɣ nndah ? ČAQLALA: Ad edduɣ, acu kan keçç ahat ad
trekkbeḍ tagmert-nni-inek tamellalt tinna ireqqmen s wureɣ ? Ma d nekk ilaq-iyi
ad lḥuɣ ɣef uḍar, iṭij ass-a d imseɛseɛ.
Awahh, ur-ɛad ur neɛdil ara. TTAǦER: Ay iblis, ur a-k-ţţaǧǧaɣ ansi
ara tesnesreḍ. Aww ! Ay akli, awi-yas-d tagmert tamellalt ula d neţţa. I tura, ad tedduḍ neɣ aha'
ɣer lqaḍi ? ČAQLALA: (YELSA AQEFḍAN) Xic, maççi ɣer lqaḍi. Ma tuɣal ɣer tideţ
maççi d neţţa i d aqerru n ccreɛ. Tura i-mi cebbḥeɣ akken ilaq, bɣiɣ ad awḍeɣ
ɣer Ugellid, ulac nnig-es wayeḍ. TTAǦER: Ayih, ayih, ekker ɣer
ugellid. Neţţa ad ak-d-igerrez tiyita. TARBAƐT: (S CCNA ) ɣer ugellid ay axir ! ɣer ugellid ay axir !
TILLAS.TAFAT. AGELLID : Ḥareɣ, ţɣawaleɣ. Ur sugutet ara
awal. Win i tent-yuɣen ad d-yeţru, win i tent-ixedmen ad d-iqqir, kra din ad
yefru. TTAǦER: Ay agellid a sidi, sslam fell-ak.
Tessneḍ-iyi wi-wcan aya nekk d axdim-ik. Teẓriḍ nekk d ttaǧer xeddmeɣ laẓ-iw,
ur-ǧin iɣaḍ-iyi wayla-w ɣef Tgelda, ur-ǧin
iɣaḍ-iyi wayla-w ɣef yinselmen. AGELLID: D ayen yellan. Nessen-ik. Ini-yaɣ-d
acu i k-yerḥan, ur ţaggad. ČAQLALA: Ula d nekk, ay agellid, tessneḍ-iyi.
AGELLID : D win i tent-yuɣen ara d-yemmeslayen.
Ḥareɣ, ţɣawaleɣ. Win yebɣa ad yesugget awal, yeṭtef bu-gaṭu. TTAǦER: Ad aɣ-yemneɛ Rebbi ! Akka kan
dɣa, aṭas n tedrimt i yi-iruḥen. Acu yellan, argaz-a yuker-iyi 100 n teryalin
n wureɣ. Llan aṭas inigan acu kan ddan yakk
yid-es. TARBAƐT: (D ASBECBEC) Ur nwala, ur
nesla. ČAQLALA: Maççi 100, 99 kan ! AGELLID : Acu
i d-teqqareḍ ? ČAQLALA: 99 kan. Maççi 100. 99. AGELLID : Acu
i d-teqqareḍ, ay iblis ? Ur sliɣ ara. ČAQLALA: Ulac aɣilif. Ihi axsim-iw la-d-yeqqar
ukreɣ-as 100 n teryalin n wureɣ. An- neqqim kan di temsalt-a. ¨Ţ-ta i d
tiyersi. AGELLID : D awal igerrzen. Ifukk win i tent-yuɣen.
Awal ata-n ɣur-ek a win i tent-ixedmen, ur tezzi ara deg umeslay . ČAQLALA: Ay agellid, awal-ik azal-is meqqer.
Ayen ara k-d-iniɣ nekk yegze. Yeshel maḍi, axsim-iw yemxel meskin. TTAǦER: Amek, amek ? ČAQLALA: Ih, ay ameɣbun, aɣbel isurdiyen
yesdderwec-ik. Yakk la-d-teqqareḍ ukreɣ-ak 100 n teryalin n wureɣ ? TTAǦER: Ih, tukreḍ-iyi-tent. Ay agellid
a sidi, nadi-t. Ad tafeḍ idrimen-iw ɣur-es i llan ar tura. ČAQLALA: Fiḥel ma tnudam-iyi. D tideţ ɣur-i
wannect-a i d-teqqareḍ, acu kan txus
yiwen n teryalt ….. Ḥess-iyi-d,
a ttaǧer, tɣileḍ ddunnit-a yakk i ɣ-d-yezzin d ayla-k ? Ɣef akka i ţ-id tewwiḍ,
ad d-tiniḍ aqenddur lsiɣ daɣen inek …. TTAǦER: Inu, ih, amek ihi
inek ? ČAQLALA: (YEŢŢECMUMUḤ) Tagmert-inna zdat wemnar daɣen inek.... TTAǦER: Inu, ih, wi-ţ-ilan ihi ? Maççi
d arḍal i k-ţ-reḍleɣ, llina ? ČAQLALA: Qirr-d ! Ay agellid, timxellelt n wergaz-a tban.
Tebda la-yi-teţmeḥḥin. Amexlul, adderwic meskin, yerna-d i temdint-nneɣ ….. DƔA TTAǦER
YEGGEMGEM. AGELLID SERQENT-AS. TARBAƐT
LA-TEŢŢAḍSA S TUFFRA. DI TAGGARA,
TTAǦER, YEFFEƔ-IT LASQEL, YEẒDEM ƔEF ČAQLALA, YEFKA-YAS ABEQQA. AGELLID : Ahaw, ahaw, yelha leɛqal ! TARBAƐT : D tukksa n sser ! Ay agellid, iwet-it
zdat-ek, keç teţwaliḍ. AGELLID: Yelha leɛqel, ur yeḍri wara. Yelha
leɛqel. A ttaǧer tḍelmeḍ iman-ik i-mi i k-yeffeɣ leɛqal. Terwiḍ-–iyi yakk.
Nniqal bɣiɣ ad ak-fkeɣ lḥeqq, tura winna i ţ-ixedmen
terriḍ-t d win yeţwaḍelmen. Acu kan ruḥ, nsuref ak. Teţwaḥqreḍ maççi d kra.
Eyya, ruḥ effeɣ a-k-id-iwet ubeḥri. Ad d-nuɣal ɣer temsalt mi
ara k-id yuɣal leɛqal. Ruḥ, ay ameddakel, ur ţaggad. Ur nebbuhel ara. TARBAƐT: ( D ASBECBEC) Neẓra akka ara
ţ-yefru. Agellid yesberber ɣef ttaǧer yeǧǧa-t yessenser iman-is. Akka i nuɣ
tannumi ….. AGELLID : Tasusmi. Ɣur-i ccɣel. TTAǦER
YEKKUNSER. AGELLID YEKNA ƔEF ZZMAM. TASUSMI ƔEZZIFFEN. ČAQLALA: Ay agellid a sidi …… AGELLID : Tasusmi ! AKKUD. XMAT-XMAT, ČAQLALA YUẒẒA ƔER
UGELLID. ČAQLALA: Ay agellid a sidi, tḥareḍ, yeçça-k
ccɣel. Tura a-k-ḥamiɣ a-k-mleɣ amek i ferrunt. YEFKA-YAS YIWEN UBEQQA, AGELLID YEṬTEF- IT YEḤMA. Mi ara d-yuɣal wexsim-iw, err-as abeqqa-ines,
d ta i d taɣdemt n ţideţ. ČAQLALA YERWEL, TARBAƐT
TERWA TAḌSA. TIYITA N ṬTBEL. TILLAS. TAFAT. TIYITA N ṬTBEL ƔEZZIFFET. AGELLID ƔEF UKKERSIW-IS. IKCEM-D LMEFTI. AGELLID: A Lmefti, ad iyi-d-tiniḍ ma tesliḍ neɣ
aha' s wayen i d-snulfan, "aɣebbar s allen", aɣebbar s-wayes i
d-ssasayen tigzi …. LMEFTI : (SARQENT-AS) Aɣebbar s allen,
aɣebbar s-wayes i d-ssasayen tigzi ? Ah, winna …. AGELLID : Ẓriɣ,
ccekk dayen yeffeɣ-iyi. Ur zmiren ara leulama-nneɣ ad asen-tenser yiwet n tɣawsa
am ta. Ahat maḍi tella di leQran ? LMEFTI : Di
leqran, kra din yella, yensex deg s. Ulac ayen yeţwazegglen. AGELLID : Zriɣ, dayen ccekk yeffeɣ-iyi. Tura
ad tuɣaleḍ d aqerru ɣef Lmumnin, ad asen-tferrqeḍ taɣawsa-ya tamaynuţ. "Aɣebbar
s allen" yeɣli-d swa- swa kan
i-wakken an-nerẓ ayen i d-ssuturen ixeddamen. Ad twehmeḍ, d imfelsef-nni-nnsen s-wayes ţzuxxun i t-id yesnulfan uɣebbar-a.
Yeţɣiḍ umeɣbun ! Ţţun-aɣ uggaɣ, neţţa d imeddukal-is, ţţun-aɣ
nekkni nezmer ad asen-negzem iles
akken ma llan. kra sbeddem ad d-Iɣil fell-asen …. TILLAS. TIYITA N ṬTBEL
ƔEZZIFFEN. TARBAƐT N
YERGAZEN ṬTFEN YAKK TIMṢELḤIN LA-ṬTUMMUN. AƔEBBAR
YESDERƔIL. NUTNI DAƔEN TEƔLI-D FELL-ASEN TAFAT TESDERƔIL. ADABU YEWWI-D TIFTILIN N
TILINIZIN, YESSAƔ-ITENT ƔEF TERBAƐT. TAMA N ZDAT USAYES, YEZWAR-ASEN UGELLID, LMEFTI D ČAQLALA LA-ŢẒALLAN. LMEFTI: (IWEHHA IFASSEN-IS S IGENNI ) Ay axellaq, nunez-ak
ɣef wacu yakk iɣ-d-tefkiḍ, nunez-ak ɣef tzemnit i d-tesseɣliḍ ɣef imfelsef
nneɣ, amin ! AGELLID: Amin. TARBAƐT: Amin. ČAQLALA: (IŢESSED AWAL) Ay axellaq,
tanemmirt-nneɣ ɣur-ek. Neḍmeɛ ddin-ik ameɛzuz, yakk d tgelda ugellid-nneɣ ad
ţţalin simmal-simmal d asawen …. Ma d lsas- nnsen d
ijdi. Amin ! LMEFTI: (YESQEJQUJ TUƔMAS-IS ) Amin ! AGELLID : (AKKA KAN ) Amin. TARBAƐT: (QEBREN SI TEḌṢA) Amin, Amin, Amin.
AKKUD. TARBAƐT TERRA ƔER TILI. AGELLID YEẒZAƐ LMEFTI, S UFUS,
S-SYIN YEṬTEF ČAQLALA SEG YIƔIL-IS AM AKKEN YESSEN-IT DDEQS AYA. AGELLID: Ay imfelsef ameɛzuz ! Nniqal ikcem-iyi-ţ
ucukket, fiḥel tuffra. ČAQLALA: Acu
yellan deg ccekk : d abeɛɛa n yejdi deg unezruf n ttuba. AGELLID: Tura dayen, beddleɣ ….. ČAQLALA: Nniqal telliḍ terwi-k tinna eɛzizen
fell-ak. Mi ara tiqsiḥ akka ddunit, argaz eerrqent-as tcki ara-t-id-texẓer
tmeṭtut. AGELLID: Ay imfelsef alqayan, ilaq ad ak-rreɣ
lxir. D keçç ara yesseɣren mmi amenzu, i yiman-ik. Ula acu yugaren amḍiq am
wa. TILLAS.
TIYITA N ṬTBEL. TAMA N DDUḤ N MMI-S UGELLID, ČAQLALA IGEN ƔEF TẒERBIT, ASEBSI-INES YEǦǦA-T
YUƔAL ƔER RRENGILA, AZAMUL N SSSAYA. ČAQLALA: Ay ussan i yi-d-yeggran : Tura
aql-i la-suṭtuḍeɣ. S-sya d afella ţwaqqneɣ ɣer dduḥ n mmi-s ugellid, ur iyi-d-tsaḥ
ara tuffɣa. Uddiɣ-ţ, ţwaṭtfeɣ ! Ilaq ad
qareeɣ tigzi ad d-temɣi deg uqerru n weɛdur ur-ɛad yesfiḍ iẓzan …. Ukk ! Mi
ara d-ɣlint ɣef tikkelt !....Ata-n ḥersen-iyi-d ibeẓdan.... Anida ara rreɣ,
axxam annect-ilat. ČAQLALA IŢEZZI IRENNU DEG TEXXAMT N MMI-S
UGELLID. YEŢBAN HERSEN-T-ID AṬAS IBEẒDAN. TILLAS.TIYITA N ṬTBEL. TAFAT. MMI-S UGELLID IBEDDEL AMḌIQ.
ABRID-A IGEN TẒERBIT. ČAQLALA: (ZDAT N DDUḤ D ILEM) Yefka-ţ lḥal, slexseɣ dduḥ
n mmi-s ugellid. Dayen, cwiṭ i fellqeɣ. Aah ! Nca-llah ad yerbeḥ fell-assen !
Tura a-t-rreɣ s ussu-ines amzun d acucef kan
i-yeccucef. (YEDDEM-d MMI-S UGELLID, DƔA
YEQQIM YEQQUR MI YESSAKED TAẒERBIT) Tamsalt-a tuger-iyi. Ula d
neţţa ur yeɣfil ara, ibecc-iyi taẓerbit. Ay amedɣul amecṭuḥ !
TILLAS.TIYITIWIN N ṬTBEL. TAFAT. ƔEF AGDIL TUGNA IGIDER TEŢEZZI D TUZZYA, TBBUB-IŢ TAFAT. DƔA TAFAT TXEŢŢI CWIṬ-CWIṬ TUƔAL D TILI N ASLI MMI-S N NEǦMA D LEXḍAR,
AGUJIL UR-TANEZDUƔT. TAFAT TEŢŢIBRIK, UR-SAD i D-ƔLINT
TILLAS N TIDEŢ. ASLI : Teɣli-d
fell-i tili, mɣeɣ deg unezruf. Deg unafag n yelbaḍen tdel-iyi-d tili igider.
TIYITA N ṬTBEL. Win ur-ǧin nensi
deg mummu igider wissen ma yeẓra amek ifeţţex yidim aberkan deg ul teǧǧa
tuggdi. Ma d nekk ẓriɣ
amek, ruɣ imeṭti d aramaɣ. Tili igider teɣli-d fell-i, dayen ur iyi-tebri seg
wasmi tebda tukkerḍa d trewla, teṭtafar deg-i. Rriɣ-ţ i uqerreɛ d
tmezliwt. Ţqarreɛeɣ, neqqeɣ. I-wakken ad srewleɣ afrux
n tili, tili n wefrux. Ruɣ imeṭti n tisselbi.
TIYITA N ṬTBEL ƔEZZIFFEN. ASLI
IGEN I TILI N TEZDAYT. AKKUD. S-SYIN AD NWALI IREḤḤALEN LA-D-ŢŢAWḌEN, WEHMEN. TARBAƐT: D awerdani daɣenni i d-yuɣalen ! Ziɣ ur yelli ara
wanda ara yeddari. Ata-n daɣen nufa-t-id ddaw tezdayt. Ur d-yessuter kra, ur
d-yenna kra, ur
d-yessuter kra..... ABERRAḤ: Ata-n igider la-itezzi ɣef uqerru-s.
Eɛni teççur-as. Bɣiɣ ad as-iniɣ
awal, acu kan yeweer ad d-tesendekwaleḍ amdan ma ur tessineḍ ara isem-is. ASLI : (YEKKER
ƔEF IḌARREN-IS ) Acu akka yeḍran
? ABERRAḤ: Yelha leɛqel, ay argaz, i-wumi akka
i d-tḥezzmeḍ ɣef wegdud ur ţ-neţţalas. Ini-yaɣ-d kan ansi i
d-tekkiḍ. Anef-aɣ a-k-id-neɛreḍ ɣer
imensi, d tannumi ɣur-neɣ.
AKKUD. ASLI YUƔAL AMḌIQ-IS DDAW TEZDAYT. UR T-ID-YULI ARA WAWAL. TARBAƐT: (RFAN) Acu-t wa, d aɣunzu,
neɣ d asetḥi, d asetḥi neɣ d aɣunzu ? ABERRAḤ : Ur t-id-yeţţali ara wawal.
Ikukra. TARBAƐT
: Ad
tafeḍ d imenfi, d lwali n wegdud, tura yeggra-d iman-is ……. ABERRAḤ: Neɣ ahat d imnejli yeɛyan di ddunit
ṭtrad yesɣer-as ul-is ? TARBAƐT: I-wakken amdan ad yidir deg unezruf tlaq ssebba. ABERRAḤ: Ur d-tufim ara. Sikkdet-ţ. Yeṭtes
ur yeṭtis. Ata-n amzun ger igenni d tmurt. Iţelli-d allen-is iteqqen-itent,
qrib ad yennal tirga. TARBAƐT: Allen-is d tizeggaɣin. D allen
n wid ineqqen. ASLI : (DAYEN
IFELLEQ ) Tkucfem-d. Nekk seg wedrum n lbaz. Acu kan
lbaz iɣab. Igider yuɣ amḍiq-is ABERRAḤ: Seg linna yerra iman-is yemmut.
Tura la-yekkat tarebbanit ! TARBAƐT : Ɣas felleq-d ɣef tikkelt, a-k-in-neţḥessin. ASLI : Amek,
ur iyi-tuminem ara ? ABERRAḤ: D laman i nessaram. ASLI : (YEMSED
UMESLAY) Caren-aɣ Imezwura. Asmi ara s-tarar i wedrum-nneɣ, lbaz
yeswan bu tissas, ad yeǧǧ amḍiq-is i wefrux n lmut d kennu. Acu kan ulac-uɣilif.
Lwali-nneɣ
yeṭtef. D afrux ur neţnuzzu. ABERRAḤ: (LA YEŢBURRUF Di temdinin
timeqqranin akken ma llant, wqan igudar deg imerdaxen, nutni d iderman-nnsen
! ASLI : D
tideţ llan, acu kan d imɣaren yekfan, neɣ d imuṭtuden lulen deg imerdax. Ulac
win-iten-iḥesben. Dɣa melmi kan, yemma tefka-yi yiwen igider i
d-yeţwaṭtfen d amuddir, urzen-t di teylewt, cudden-as tamrart ɣezzifet ɣer
tmessaṭ-is... Yezmer ad
yembiwel anida i s-yehwa … Wteɣ nniqal a-t-qqneɣ ɣer tzemmurt, yuɣal
yeţţijjiq, yeţţemxelbaḍ, nniqal ad yexneq iman-is limer ur as- serrḥeɣ ara
i temrart. Yuɣal armi i s-rriɣ tilelli, acku ur yennul ama d aɣrum ama d
aman, akken i-yeqqim kra yeqqim wass… Taswiet, ibedd, yefcel, yesfenxer
yewhem amzun di yir targit i-yella, dɣa imir kan yuɣal ɣer tidak-is. "Ur
iteţţ ara ɣas ad yemmet " i yi-d-tenna yemma. Tameddit-nni rriɣ-as
tilelli, walaɣ mi t-ɣbant tillas, yedda yid-es wul-iw … Ula d nekk i rɣiɣ
ɣef tlelli ! Acu kan, acu i d lhejna-k ay ul, azekka d wussan-nniḍen, mi-t-walaɣ
la-itezzi nnig-neɣ ! Itezzi am rruḥ
ɣef iceṭtiḍen, amzun yebɣa ad inigeɣ yid-es. Ahat la-yeţraǧu ad as-rreɣ tiɣri?
Am akken la-yeţţurar. Ṭtafareɣ-t cwiṭ-cwiṭ ɣur-i d aqesser.
Simmal simmal yessebleɛ-iyi ugemmaḍ. Faqeɣ, yiwen wass,
ǧǧiɣ yemma. Acu kan berra i teggan, neţţa d tewkilin. Tɣil-iyi mmuteɣ. Tameddurt-is
teççur d wid yemmuten, uɣaleɣ-as d anza-nniḍen. Ihi, nnejlaɣ-d seg wecruf n «Tmeṭtut-n-lexla », la-ṭtafareɣ
sidi-igider anida i s-yehwa. Metwal ataram, yezga metwal ataram. Asmi wwḍeɣ ɣer
tlisa, bɣiɣ
ad ẓreɣ anta tamurt ara kecmeɣ tikkelt tamezwarut. Nnan-iyi "D tagelḍa n
Lmeɣreb." Ur-ɛad i yi-d-temɣi tamart, ǧǧan-iyi kecmeɣ-d. " Ata-n wayeḍ
yeqqes ṭtrad" i s-qqaren
inektaben d iesekriwen. ABERRAḤ: (D ASBECBEC MAḍI ) Eɛni iwet-it
yitij s aqerru … TARBAƐT TESBECBEC I
YIMAN-IS. ŢHUZZUN IQERRA, DƔA TESKEN-D YIWEN DEG ISEKLA-NNI, LA-D-ITEFFEƔ DEG-S
WABBU. DƔA TARBAƐT TEZZI-D ƔER ASLI. ABERRAḤ: Twalaḍ aseklu-ya ? I wabbu-inna
deffir useklu twalaḍ-t ? ASLI : Ih, walaɣ-t. ABERRAḤ : Ata-n dinna yiwen yekkat ccira, d
imfelsef ɣef wegdud. La-k-yeţnadi. La-k-yeţraǧu. TARBAƐT : (I-IMAN-IS) Ad gerrzen tayuga !
TILLAS. AKKUD. TAFAT AD TEMBIWEL. ČAQLALA YEKKAT ASEBSI, YESSUSEM.
ASLI YEǦǦA-YAS AMḌIQ. ČAQLALA: Igider i k-id-yewwin ɣer tmurt-a,
yuɣal iwehha-n, agdud yessaweḍ-ik-id ɣur-i, yeẓra acu ixeddem. Ma d nekk ilaq
ad ak-mleɣ acuɣer i k-id- yewwi,
acu i k-ilaqen ad txedmeḍ, keçç i ɣ-d-yefka
d imceggeɛ… Tazwara, tamurt-a iḥkem-iţ
ugellid, cwiṭ i s-d-yeggran ad yuɣal mmi-s deg wemḍiq-is … TILLAS.
TIYITA N ṬTBEL. TAFAT. ČAQLALA: (TIBELƔIWIN-IS DEG UFUS ) : Tibelɣiwin-a reqment s
wureɣ, d agellid i yi-tent-yefkan. Yenna-yi-d imfelsef akka am nekk ur ilaq
ara a-t-twet tderrit. Axxi agellid axxi ! Tura
timeddasin ugellid urwent-iyi-d 2 n twaɣiyin ! Tamezwarut, ur zmireɣ ara
a-tent-lseɣ ugadeɣ ad amsent. Tis snat la-tent-rebbuɣ ur iban amek, amzun d iḥramen
i refdeɣ ! Dɣa mmektiɣ-d yiwet n tedyant : Di lǧameɛ i
lemdeɣ tukkerḍa, ǧǧiɣ timeddasin-iw ɣer wemnar, am nekk am medden …. Mi tekfa
tẓallit, ulac tagertilt ur
nudaɣ ! Uyuyuy ! Uyuyuy ! IBLAḌEN
LA-D-ƔELLIN ƔEF ČAQLALA. TIYITA N ṬTBEL. ASLI IKCEM-D ASAYES, TEḌFER-IT-ID TERBAƐT TEŢŢEFFER. ASLI : Usiɣ-d
ad iyi-tesseɣreḍ. ČAQLALA: Ad-nebdu s imyagen ur nferru. AKKUD. ČAQLALA YEBDA LA-YESƔAR. ASLI YESSUFFEƔ-D TALWIḤT. ABERRAḤ: (AD D-YEŢŢAẒ, TABEQSIT ƔEF UQERRU-S ) Axx
tacciwin n teɣzalt s-ɣur Lmefti. ČAQLALA: Lmefti ameɛzuz ! Tanemmirt. Ini-yas
bu-tacciwin ɣas ad izux s teɣzalt-is. ABERRAḤ
YESSERS TABEQSIT, YEFFEƔ. TIYITA N ṬTBEL. ABERRAḤ: (YUƔAL-D) Iluɛa-yak-d
ugellid, ɣiwel. ČAQLALA: Ad as-tiniḍ uɣaleɣ d tajegdit
i tmurt. (I ASLI ) ɛ Ɣur-ek tabeqsit-a. Teççur d tizidanin maççi d tidak ineqqen,
heggan-tent-id i yiwen wemcebbel. Ɣur-ek a-tent tennaleḍ. ASLI : Ur
ţţaggad, ur tent-ţnaleɣ ara.
ČAQLALA YEFFEƔ. ASLI YEKKES-AS AƔRUM I TBEQSIT. ABERRAḤ YESSIKID-IT-ID AM AKKEN UR IḤAR ARA AD YEFFEƔ. TIYITA N ṬTBEL. ASLI : (LA
ITEŢŢ) Ddunnit-a
tessewham ! Aseççi yeţţarra lmut fsuset. ABERRAḤ: Ula d nekk dayen meuqqeɣ-d di tudert.
Efk-iyi-d ad ççeɣ cwiṭ. ASLI : (YESSEGḌI
ANGUL ANEGGARU ) Maççi d menwala
i-yeɣran Sǧcrate. AKKUD. ABERRAḤ
YEFFEƔ, YEBRA I IMEZZUƔEN-IS. ASLI : I
fsuseɣ ! Eɛni la-ţţinigeɣ ɣer lǧennet. Limer d lebɣi ilaq ad ţruɣ … (YEBDA LA-YESMIṬTIW,
YELXI YAKK TALWIḤT-IS) ČAQLALA : (YUƔAL-D, YEQQIM YEŢXEMMIM ZDAT TFELWIT D TILEMT) Yiwen weḥḥram ! ASLI : A
ccix-iw, lxiɣ yakk talwiḥt-iw, kra n wacu i yi-d-tenniḍ, nekk ţţuɣ-t. I-mi ẓriɣ
keçç teţkellixeḍ ɣef medden uggadeɣ ad
teḍseḍ fell-i, axir-iyi ma mmuteɣ. ççiɣ
tiẓidanin-nni i k-d-heggan, ɣas akken teeggneḍ-iyi-d. ČAQLALA: Yiwen weḥram ! Seg widak-nni ur neţraǧu
ara ad tfak kemsirt.
TILLAS. TAFAT. TIYITA N ṬTBEL ƔEZZIFFEN. TADLEGT AD D-TERNU ƔUR-ES TQUBBEŢ N ZZǦAǦ. ƔER TAMA ISEKLA YERRAN
ASAYES AMZUN D TIẒGI, ASLI AṬEYYAR LA-YEŢEẒẒEL, YUƔAL IGEN. DƔA TAFAT
AD TSAƔ TARBAƐT. TARBAƐT TEMMEƔ TEZZI
I TQUBBEŢ. DEG YIDDA N TQUBBEŢ, TILI N MMI-S UGELLID; YEQQIM ƔEF USSU. ABERRAḤ: A mmi-s ugellid, ur-ǧin tzeggreḍ
akk-in i tirga-k. Yuggad baba-k ad as-temṭeḍ
akken i s-yemmut umenzu. Deg-mi i k-yeţţaggi ad teffɣeḍ. Amzun dɣa ddunit
merra a-s-d-tanez a-ţ-id-tekcem di tqqubbeţ ! TARBAƐT: A mmi-s ugellid, ur-ǧin tzeggreḍ
akken i tirga-k. ABERRAḤ: La tfessiḍ, a mmi-s ugellid,
la-k-iteffeɣ nnefs ddaw zzǧaǧ. Akal, tiẓgi, i
ten-yessaramen d win ur neţurebba. Acu kan wali wihin, d aṭeyyar, ddaw useklu
ibeuẓzel am usalas. Lberǧ ugellid
dinna asennan ur as-inettu ? Anwa yufan iman-is, anwa yerwan lihana ? Ulac
targit ur neţdumu…. TARBAƐT : Anwa yufan iman-is, anwa yerwan
lihana ? ula d tirga d akellex ….
TASUSMI. TARBAƐT TEŢŢEFFER. AKKUD. TIYITA N ṬTBEL. ASLI, DEG IS, YENNUL AƔALAD N ZZǦAǦ, MMI-S UGELLID IWALA-T. AD D-ILAL
UMESLAY D ASXERWEḌ GER ASLI D MMI-S UGELLID. AGELDUN: (YEKNA-D ƔEF WEƔLAḍ) Anwa akka i d-yesṭebtuben
? ASLI : Ad-as
tiniḍ yeţwazdeɣ zzǧaǧ-a ! AGELDUN: Anwa akka yeţmeslayen ? Err-d awal ! ASLI : I
keçç anwa-k ? Err-d awal !… Eɛni ur tezmireḍ ara ad d-teffɣeḍ ? Rǧu cwiṭ kan. ASLI
YEDDEM-D ABLAḌ, YEƔLI DEG TQUBBEŢ-NNI, YERẒA-Ţ. TILLAS MAḌI. TIYITA N ṬTBEL ƔEZZIFFEN. ABERRAḤ: (DEG TILLAS) Yuɣal armi zeggren akk-in i tirga ! TARBAƐT: Dayen, wwint tilelli-nnsen. ABERRAḤ : Mmɣen deg umadaɣ. TARBAƐT: Ad yenqes ugeldun daɣen.... ABERRAḤ: Aṭeyyar yewweḍ iswi-ines. TARBAƐT: D tidyanin meqqren ara d-iteddun,
ad d-yerkeḍ wegdud tamdint ! TAQUBBEŢ-NNI
N ZZǦAǦ TEƔBA. AGELLID, YETTUNEWWA, ICAB YAKK,
YEBRA I YIMAN-IS ƔEF UKKERSIW, 3 ILMEẒYEN LA-D-ŢŢAẒEN ƔUR-ES YIWEN DEG-SEN D ASLI. YIWEN DEG
ILMEẒYEN: Nekkni d imeddukal ….. ILEMẒI
WIS-SIN : D imeddukal n mmi-k. AGELLID: (YEDDUQES-d) Mmi ! Anida yella ? ASLI : Ur
yebeid ara ! SIN
IFREMLIYEN N LǦIC-TTEḤRIR AD D-KECMEN WWIN-D AFERRUG. IMJUHAD
S-SYA D S-SYA REGGLEN YAKK ASUFFEƔ. AGELLID: (YEṬTURREC) La-teskiddibem
! Maççi d mmi ! Ffɣet s-sya ! ASLI : Iɣaḍ-iyi-lḥal.
Iɣaḍ yakk lḥal. D keçç I inudan ɣef ṭtrad. Nuker-ak mmi-ik i-wakken
a-t-nessemreɛ ɣef txidas-ik, i-wakken ad tqebleḍ ameslay d "Lǧic-ttaḥrir"
tinna tebɣiḍ ad tesnegreḍ, yerna tɛawen akkersiw-ik ad yali… Mmi-k yemmut d
keçç i-yebɣan akka. AGELLID: D nekk, i-yebɣan ? D nekk ? ASLI : Ihh,
d keçç. D tideţ, ula d lmektub iger-d iman-is … zzin-aɣ-d yemnayen-ik amzun d ajrad, ma d nekkni d takemmict kan.
Aẓdam amenzu newweḍ
akal la-neţraǧu lmut imir kan nwala igider la-itezzi …. Aẓdam wis-sin nwala-t yekbel ɣef yedmaren n mmi-k, ɣlin-as
iferrawen, amzun akken ula d neţţa yebɣa
ad yeṭtes…. TILLAS MAḌI. TIYITA N ṬTBEL. AGELDUN
LA-YEŢNAZAS. IGIDER YEŢŢECLAWA ƔEF WEGDIL. TARBAƐT : (DEG TILLAS) Mmi-s ugellid,
ageldun meskin, la yeţţargu tirga taneggarut. Ay igider. Aẓ akk-in. ABERRAḤ : Ay
igider, aẓ akk-in, la-yeţţargu tirga taneggarut. 6/X/1975 taceqquft
tfukk
taceqquft tfukk |