|
Ayamun
cyber-tasàunt n tsekla n Tmaziàt ayamun cyber-revue
de littérature berbère Numéro 17 Novembre 2004 35 pages |
Retour
au titre
Sommaire:
1°) Le texte en prose: TUƔALIN sɣur Ɛmer Mezdad (tukkist)
2°) l'article: préface
de E. BENEVISTE à l’ouvrage d’André Basset , articles de dialectologie berbère
3°) Le poème: un essai de traduction d’une fable de Jean de 4°) Adresse de messagerie
électronique |
Retour en haut
Numéro 17
Novembre 2004
TUƔALIN sɣur Ɛmer Mezdad (tukkist)
Yenṭer aṭas, aḍar di ddunit wayeḍ deg
wakal. Deg sin
yid-sen i t-id-sɣimen, senden-t ɣer tsumta. Idmaren ţsuḍun, ifassen uɣalen
amzun d tidebbuzin, accaren d izegzawen. Daɣen icenfiren. Yuɣal meskin d
nnila. Asif bu tkuffta, winna iregglen tirest yebda-d alluy seg ugerzi, la
d-iteffeɣ seg yimi : d tililac n tudert ara yeǧǧen agerbuz. Gren-as ajeɛbub deg tinzert. Bernen tibernint ansi i d-itekk l'oxygène. Dɣa imir Allen-is ldint-d dayen, ttullsent am win i d-yeffɣen seg wanu, tamuɣli-s
qbala ɣur-i. Yekres timmi, iwakken ad yefreẓ anwi i d imdawiyen i s-d-yezzin
abrid-a. Iger afus-is ddew
tsumta, yessenser-d nnwaḍer. Yelsa-tent. Zwareɣ-t ɣer umeslay, nniɣ-as : _ Aql-ak ccwi cwiṭ, a Dda-Arezqi ! Neţţa ɣas tazmert teǧǧa-t, taɣect d tin i d tin : akken i yeţmeslay zik i
yeţmeslay tura, awal-is d azuran, ɣur-s tizrar, d abendayer ma iɣerrez. _ Werɛad teččur teylewt. Ad rnuɣ ad zzuɣreɣ ayen yuran. Ad awen-sfungeɣ
taswiɛt, semmḥet-iyi Mi walaɣ yeffel i tizi
yeţţawin, ǧǧiɣ widak-nni ffɣen, yiwen ad yesggunfu, wayeḍ ad yeffeɣ ɣer
wexxam-is, zik i yezri lawan. Nek ad qqimeɣ ɣer tama-s, alamma yewweḍ-d
wefremli yeţnusun ; nek daɣen iḍ-a d nnuba-w uqarraɛ. Ad qqimeɣ ayen i-wumi
zemreɣ ɣer tama n Dda-Arezqi, cwiṭ d adawi, cwiṭ d awanes. Ɣas akka yemneɛ
tagniţ-a, Dda-Arezqi, ata-n ger tudert d tmeţţant. Ata-n ɣef tizi n yinig, d
inig ɣer wanida ur d-yeţţuɣal, d inig ɣer wanida ur d-neţţuɣal, d inig ɣer
wanida ulac win i d-yuɣalen s-syin, ad yaweḍ anida ad d-yakk naweḍ, axxam
aneggaru, axxam iteffren leɛyub, win yeţţarran imdanen msawan, wa ur yugar
wa, wa ur yerni wa, wa ur yeḥqir wa, anida taksumt taɛzizt ad tuɣal d akal,
anida allen ad tent-yeǧǧ mummu, agerbuz nḥuder ad yeftutes, d takka kan ara
yuɣal, iɣsan ad qqimen d ilmawen am teslent yennul lebraq asmi nggelwant
tegnaw, am ibawen yuli buseṭtaf, deg-sen la yesnunnut. Iɣes ad yuɣal d aɣanim yeǧǧa yifer, ulac deg-s lliqa yeţţazzalen, ulac
deg-s tizegzewt yeţţeclawan ; aɣanim meqqar ulac deg-s kra ara ifuḥen, ata-n
yeqqur i tafugt, wamma iɣes d rekku ara yerku di tderɣelt n ddaw tmurt. Sserseɣ iman-iw ɣef ukkersi. Bdiɣ ameslay ɣef waṭtan-is, isufar i s-ilaqen, amek itejji. Asirem
yezga. Tamussni, tineggura-ya, ulac aṭtan i-wumi _ Iḍarren-iw ad ffɣeɣ yis-sen, d tideţ, acu Neţţa Dda-Arezqi, anecreḥ yezga ɣur-s, amzun anecreḥ ileqqem ɣef yiles-is
ur as-iberru ; ɣas akka yečča-t wesṭaser (*) awal n teḍsa ur t-yeǧǧa ara. _ Yerna, a Dda-Arezqi, akken i d-yuzen ¥Rebbi aṭtan i d-yeţţazen
ddwa-s. Ihuz aqerru-s, yezmumeg, yessakked-d ɣur-i am win ara k-yinin : « Awalen-a, ɣriɣ-ten-id deg wallen-is, d wanda mlalen s wezmumeg
icenfiren-is. D ameslay-a _ Limer ad iyi-tekksem l'oxygne, azgen n wass _ Anida akken i k-kkaten tisegnatin, yexsi neɣ werɛad? _ Yiwet n tama texsi tayeḍ werɛad, aţţa-n tcuff ma d aqraḥ _ Acu, a Dda-Arezqi, ilaq ad teččeḍ cwiṭ. Ma _ Ayen i-wumi zemreɣ ssegḍayeɣ-t, ma d
ayen ẓzayen, si zik ur as-zmireɣ ara. Ernu ugar tura ! _ Ayefki teţţesseḍ, meqqar ? _ Ayefki tesseɣ, ma d aɣrum ur
yeţţader ara, si ddurt-nni izeryen ur t-ffiẓeɣ. Yeggumma ad yader. Dda-Arezqi, sin wagguren aya segmi i
d-yewwi tastaɣt (*), si Fransa, lantrit taɛzizt yerǧa aṭas, tinna ɣef ideg
yeţţegririb seg wasmi icerreg lebḥer, yedda am izimer di tejlibt. Asmi yeǧǧa imawlan-is yewwi yid-s
asirem-nsen d ucuddu cudden ɣur-s. Imawlan-is, asmi llan ɣef ddunit, ɣas cedhan
udem-is, aɣrum Imawlan-is, d medden i ten-imeḍlen. Nnig seţţa wagguren segmi kecmen
akal, d wamek yesla. Amsewweq i-wumi i d-yessawaḍ idrimen mačči yenna-yas,
awi-d kan ad tdum tegniţ ad i¥serref fiḥel cceḥḥa, ayen ifuṛes d aṭas, yelha
weskuṭtef deg imenfi, win yeǧǧan tamurt aɛni ɣur-s ddnub ? Yif-it uRumi akken
ɛziz ɣer ¥Rebbi. Win yeffɣen tamurt, yeffeɣ i webrid, yeǧǧa ddin-is, yeǧǧa taẓallit,
remḍan ur yekki imi-s, ata-n ifeṭter s yilef, rriḥa n ccrab werǧin i t-teǧǧa
! Ma ɣur-s kra n ddnub,
amsewweq yeqbel ad t-yawi ! Aseggas n 1940, werɛad zemmen fell-as 20. Tudert-is tbeddel abrid am
yeɣzer i-wumi tezzwer tuggugt (*) tebɣa aman-is : yeǧǧa tazzla tamenzut,
ibeddel tikli, yeǧǧa agrireb ger idurar anida ireɛɛed, yugar izem deg tizza,
yeǧǧa urar deg tẓegwa, yeǧǧa anadi ger tewririn anida i d-ţlalent tliwa.
Ata-n yeɣzer ibeddel tikli yuɣal d almaj, anida gellen waman. Yelwi, yezwi, ɣlin
ifadden, tfukk tazzla ; anida-t wurar deg tẓegwa, anida-ţ tazzla ger
idurar, neɣ umerreḥ di teɣzut ? Tudert-is yakk din i ţ-yesɛedda. Yejweǧ din : tameṭtut-is, d Talmant
tedda-d yid-s asmi yefra ṭtrad. Teǧǧa-yas-d sin warrac d teqcict. Yegla-d
yis-s seg Walman asmi i d-yuɣal d amuddir i d-tessusef lmut. Neţţat daɣen
than at¥as di tmurt-is, am wakken d tarewla i ţ-id-yesserwel ɣer Fransa, asmi
tensa tmes. Yesserwel-iţ-id ɣef lmizirya d laẓ i d-yeɣlin ɣef wid tessager
twaɣit uNazi, d nnger i d-teǧǧa. Deg sin yid-sen akken i d-mzukraren nnig 40 iseggasen aya. Msefraken,
wa isenned ɣer wa, am weslen ma isenned ɣer tsalelt. Werɛad izemm useggas seg
wasmi temmut. 40 iseggasen i d-dduklen, ddren akken di sin, d iɣriben. D ixeddamen am neţţat am neţţa. Teṭtef-as tiɣmert, d
tajegdit di tmeddurt-is : aţţa-n teţâţeddu yid-s d tasemmunt-ines, d azgen
deg-s, d tili-ines. Kra tella yid-s, kra tezga ɣer tama-s, tesnefsusi-yas
tiyersi. Tewɛer tudert di tmurt tawerdant. Limer ur d neţţat, uggaɣ zik ara
d-yuɣal ɣer tmurt, ɣas yemma-s d baba-s uysen-t ad d-yuɣal ! Ur t-rǧin ara ! Sin iseggasen kan mi d-yeffeɣ di lɛesker, werɛad yerfid iman-is, werɛad i
s-tebra lihana d lmizirya i d-yugem deg Walman, sin iseggasen kan baba-s d
yemma-s unagen inig aneggaru. Snat yessetma-s, deg ixxamen-nsent. ass am wass-a, ɣas mmutent ǧǧant-d
yakk iderman : d arraw-nsent i yeččuren ayla n Dda-Arezqi, yiwen deg wat
taddart ur t-yekcim, ama d tazeqqa ama d taferka. Arraw n yessetma-s, aggawen-is, aṭas deg-sen i
n-irezzfen ɣur-s, asmi yerbeḥ agemmaḍ. Tamurt ɣas yeǧǧa-ţ, neţţat 40 iseggasen neţţa d tmeṭtut-is amzun kan d yiwen wass. Ussan n temẓi d
azerzer i ţzerziren. Akken kan yeqmec tiṭ-is, yufa-d iman-is icab, iqcicen-is deg sin yid-sen,
frefren yal wa anida yerra, yal wa yeɛna axxam-is, jewǧen. Nutni mačči d iwerdanen di Fransa : din i d-kkren, d
tamurt-nsen. Taqcict, d neţţat i d tamaẓuzt, asmi teffeɣ, teǧǧa-ten, tameṭtut-is
teţru, ma d Dda-Arezqi ur t-id-ulin ara imeṭtawen. Yebna ɣef wass-nni, aṭas
iseggasen neţţa yeţraǧu-t. Yeẓra tarwa-s mačči am tarwa n tmurt, yiwen wass
ad srifgen, ad t-ǧǧen ɣer deffir. Yebna ! Awi-d Ussan, agguren d iseggasen zerrin, wa deffir wa, d azrar isennin
tudert, ass d yiḍ d tikkwal s yiwet n tiɣmi i ɣman, gellun-d s tebrek,
gellun-d s teqreḥ. Anẓaden uqerru-s ţţimlulen yiwen yiwen, armi i d-yufa taneccart
n taduṭ tɣumm-it, icab am yilis. Tameṭtut-is yellan d taɣezzfant, lqedd-is am
uɣanim, aḍar am ufeggag, tuɣal tkennu, tezwi taksumt, teǧǧa-ţ tezmert ɣef
tikkelt. Yiwen wass, yekker-d zik, neţţat ur d-tekkir ara. Nniqal, iɣil d iḍes ur
teṛwa ara neţţat yezgan d tamenzut ɣer tnekkra. Iɣil d iḍes kan i teṭtes. Yenna deg wul-is : « Teɛya temcumt, werǧin tesggunfa. Adɣaɣ ad yerreẓ, uzzal ad yeḥfu !
ass-a d nek ara s-d-yesmuzeɣlen lqahwa. Dayen tenncew». Werǧin i s-d-yecfa tesggunfa, werǧin tefka idis-is i wussu. Yezga
yeqqar-as : _ S ibeddi ara temteḍ ! Ula d anefru-ines asmi teţţarew, werǧin tgin nnig sin wussan, Amek i ţ-yessen ? ass-nni d ass amcum, neɣ d aseɛdi ? Tarbaɛt-is la tessuruf nnig yiwen wasif, la ṭtafaren aɛsekriw aNazi,
aldun i d-iɣellin seg igenni yugar win i d-ṭeggiren agemmaḍ. Rrɛud, abruri,
adfel, lemdafaɛ : aṭas d aterras i yeɣlin ɣer tama-s, imeddukal-is msakit
negren. Tama ucenggu daɣen Amdan yuɣal d agezzar, neɣ acenggu neɣ ad k-ineɣ, ssasti neɣ fell-ak
ad d-ssastin. Ulac win ara k-iɣiḍen, ulac win ara tɣideḍ, ad run imawlan-is
fell-as, neɣ ad run wid-ik fell-ak. Di kra yid-sen, llan ddurin nnig wasif, ffren tama n tmeqqunin usaɣur.
Mi ten-id-wten s lmedfaɛ, timeqqunin-nni ufgent akkin d wakkad, aṭas seg
imeddukal-is ɣlin ɣer wasif, zzren mmuten. Ma d neţţa yemxelbaḍ cwiṭ ɣef
waman, yufrar-d yeǧǧa aqerru-s nnig waman. Yiwen n mmi-s n tmurt, iḍegger-as-d
abagus n utirayur yeṭtef-d deg-s, dayen yemneɛ. Deg sin yid-sen Dɣa Dda-Arezqi, ɣas yemneɛ di lmut s waldun, yebzeg yeqqur yuɣal d aẓelbuc.
Iḍ i d-yeɣlin yufa-ten-id la ssurufen, Walan yiwen wexxam, d ţţezrureq deg tillas, d ifeṭtiwej i tudert, rran
ɣur-s, wissen anwa i t-izedɣen. Dda-Arezqi deg tawla i t-yeṭtfen, yemmekti-d
timucuha n wasmi yella d ameẓyan, wissen axxam-a ma d awaɣezniw, neɣ d
ţţeryel i t-izedɣen. Ma d win yesseblaɛen arrac, neɣ d tin i ten-yeggaren di
tkufit alamma jjin, ad awin taksumt, imir ad ten-tečč d ileqqaqen. Ger lmut d tudert, wten di tewwurt. Ldin-asen, skecmen-ten wat wexxam,
fken-asen seḥman, sekwen icettiḍen yeggurslen ɣef teglimt. Cčan imensi : aɣrum
aberkan, ssasnen-t s tassemt teḥma, rnan swan lalkul n lbaṭata. Imawlan n lxir anida teddiḍ llan. Ɣas
d ṭtrad, llan wid i-wumi tugi ad teqqar tasa, wid i-wumi tezga tegmaţ d talsa
deg wulawen, atmaten n yal amdan, mmi-s n wergaz d tmeṭtut d mmi-tsen, d
aberkan uqerru neɣ d acelhab, d amellal deg weglim neɣ d uzzif. At rreḥma deg
wulawen, ulac tamurt ur zdiɣen. Dinna i ţ-iwala tikkelt tamezwarut. D neţţat i sen-d-yewwin učči. Di leɛzib
anida zedɣen ur d-yeggri wergaz, yeddem-iten yakk ṭtrad, anagar tisednan d
yemɣaren i d-yeqqimen. Dda-Arezqi d umeddakel-is, qqimen ffren din. Kra n wussan kan, tebda talwit teţrusu-d. Aɛsekriw uNazi dayen yerwel
agemmaḍ. ¥Ttrad mačči aṭas i yerna yefra. Ameddakel-is imir kan ireg yeṭtef
abrid ɣer Fransa, ma d Dda-Arezqi yenṭer aṭas, yerna dinna nnig sin wagguren,
bedden yid-s wat wexxam, limer ur d nutni, dayen teččur-as. Abzag yebzeg asmi
yeɣli ɣer wasif yesseggra-yas-d s busemmaḍ, mi yekkes busemmaḍ-nni,
yeǧǧa-yas-d buneggaf, ddunit-is yakk ur as-itekkes, ad t-yeţţawi yid-s, dayen
cuddent turin-is, d aṭtan-nni s-wayes i d-yekcem daɣen ass am wass-a ɣer ssbiṭar. Asmi yuɣal ɣer Fransa, Dda-Arezqi yegla-d s teqcict-nni i s-yeţţawin
učči, yuɣ-iţ. 40 iseggasen
amzun d yiwen wass. Werǧin i s-d-yecfa teqqim tesggunfa, werǧin i s-d-tenna aḥḥ, ɣas
tameddurt di tmura n medden mačči d urar. Werǧin i d-tnuzeɛ ɣas ddunit Mi ters lqahwa, yenna deg wul-is : « Wellah ass-a ar-d as-ţ-awiɣ
alamma d ussu ! « Yewwi-yas-ţ ɣer wussu ; dinna ara ţ-tsew ass-a. Iluɣa-yas abrid neɣ sin, Dda-Arezqi teḍra yid-s am umexlul, yeggra-d i iman-is. Neţţat temmut,
yerna aṭas yeḍmeɛ d neţţa ara yezwiren. Aţţa-n d neţţat i yezwaren, neţţat Tuǧǧla d tiggujelt n temɣer, yerna Ass-nni, Dda-Arezqi iru. Iru armi inehheq
amzun d aqcic. D agujil icaben
am yilis. Taluft-a Mi temḍel, yuɣal yuyes-iţ dayen, d tideţ Deg wul-is : « Da di Fransa, imɣaren Yeqqim akken aggur neɣ sin, yezdeɣ i iman-is, acu teǧǧa-t tgecrirt ɣef
yiwen webrid, ma iga-d imensi d adrar, ma yessa-d ussu d adrar nniḍen. Yuɣal yura ad yekcem ɣer wexxam n yemɣaren, ad ikemmel din ussan-is.
Tuggdi-nni yuggad yakk ddunit-is, temɣer tilemt, d ayen ara d-yerzun ɣur-s. Ussan imenza, ad as-iwɛiren ! Ihegga iman-is la yeţraǧu ad as-d-laɣin,
ticki ara d-yeɣli wemkan, ar d-tefres tmeţţant ussu. Win Yiwen yiḍ, targit tewwi-yas-d yemma-s d tmeṭtut-is ɣer tnafa. La
s-d-ţlaɣint, myaṭtafent-d afus ; ɣur-s la d-ssurufent. Tameṭtut iɛqel-iţ, d
tameṭtut tameqqrant, ma d yemma-s ar-iḍ-a d tilemẓit, amzur d aɣezzfan ddaw
thendit, telsa taqenddurt tawraɣt, lfuḍa n zzit, axelxal deg uḍar, azrar n
lfeṭta deg umeggreḍ. D tilemẓit i teqqim, di tnafa ur tcab ara : iseggasen-a
yakk yezrin neţţat amzun ur ţ-nnulen ara maḍi, amzun d neţţat i d tislit n
Talmant. Tameṭtut-is
neţţat, tcab, aṭas i teɛya ; ula di tnafa. Ssurufent-d ɣur-s afus deg ufus, d tayuga. Qqiment yid-s, yuɣal
yekkes-as urrundu-nni yerrunda, yefra uɣemlil deg yezzer, winna i s-yerran
tudert d taberkant, kra deg-s d arẓagan. Iḥulfa i iman-is d afsasan, agerbuz
yečča buneggaf, di tnafa akken Tuɣal-it-id tudert. Yuɣal-it-id uneggez. Yuɣal-it-id umeggez !
Yeţţazzal akken di tnafa, ad as-tiniḍ d agenduz di tefsut, mi ara s-d-isuḍ ṭikkuk
di tmeẓzuɣt, neɣ am yiɣid yeǧǧan tamrart ; ma d nutenti, teddunt-d deffir-s
armi d taddart, armi wwḍen ɣer tewwurt n wexxam anida ilul. Zwarent, kecment
di snat yid-sent ; ma d neţţa, mi iwet ad yekcem di tewwurt, tawwurt tugi ad
t-tawi, zur fell-as, neɣ tugi ad teldi. Ɣas akken tawwurt tugi ad teldi, iẓri-s
yessikkid ɣer yidda n wexxam, kra din ɣef tiṭ-is, anekcum ulac. Yemma-s
tekkes-d ibidi seg uẓetta, tesbur-as-t i tmeṭtut-is, Talmant tuɣal s ibidi ! Aṭas i-ţ-imenna akken asmi tella ɣef ddunit ! Dɣa imir Neţţa yeqqim akkad i tewwurt, ɣas kra din ɣef tiṭ-is, Yeqqim deg-sent yeţwali, Yendekwal-d Dda-Arezqi, yebzeg yakk si tidi, deg temda i d-yufrar
mačči seg yiḍes. Yessaɣ tafat, yufa-d iman-is deg wussu-ines di Fransa, mačči deg
wexxam anida ilul. Iwet amek ara yuɣal ɣer naddam, iwakken ad yuɣal ɣur-sent,
ahat abrid-a ad as-d-slent. Ibeddel idis, yerna wayeḍ, ulac : dayen ufgent. D
targit Ilaq ad yaweḍ ɣur-sent iwakken ad thennint, ad yers uqerru-nsent, ad
yethedden ; Yefreḥ ma tefreḥ, yeqreḥ ma teqreḥ.
Ussan n ṭtrad n timunnent, aṭas d argaz i yemneɛ si lfingga, yeffer-iten,
iduwa-ten, ayen i-wumi yezmer ixdem-it. Ass n tmunnent, yečča lferḥ, inṭeg s igenni ad
as-tiniḍ d aggrud. Wehmen deg-s tmeṭtut-is d warraw-is, ɣilen d kra i t-yuɣen,
uggaden lferḥ-nni d win yesdderwicen. Akken Yekker-d seg wussu werɛad yuli wass. Yelsa icettiḍen-is, ass-a dayen
frant, abrid-is d win ikaden, d tanafa i s-t-id-yuznen, ama d luḍa ama yeččur
d iɛekkuren, tarewla seg-s ur telli. Tuffɣa yessuffuɣ, inig yessawaḍ. Mi yeswa lqahwa, yeddem asegres d ameẓyan yeččur d kra n tɣawsiwin tidak
yesseqdac yal ass, yerra tawwurt s tsaruţ ; s-syin yuder yeǧǧa-yas-ţ i uɛessas
n tzeqqa, yenna-yas : « Nek ad ɣibeɣ kra n wussan ; aţţa-n tsaruţ, ma
rzan-d warraw-iw, efk-asen-ţ, ama d nutni ama d arraw-nsen.» Ass-nni, Dda-Arezqi yekcem axxam anida ilul. Mi t-id-yessers uṭaksi, at taddart uzzlen-d ɣur-s, ma d aɛqal yiwen ur
t-yeɛqil seg wid yellan d ilmeẓyen ; sellen kan yis-s, deg wudem anagar imɣaren
i t-yessnen. Axxam d amɣar yuli ccib, yecfa-d i lebḥer asmi yerɣa, adɣaɣ aqdim yuli
wadal n temɣer, aqermud yellan zeggaɣ ata-n iruḥ s tebrek ; yiwet n tzeqqa
twet deg-s tuccent. Mi yesla yiwen deg warraw n weltma-s, yemmuger-it zdat wexxam, yeldi-yas
tawwurt, yerra-t ɣer tama tamaynut, tinna i-wumi ulsen bennu si lgirra ɣer
da. Yull-iten-id s wayen
yezmer, ahat maḍi amur ameqqran s yedrimen-is i t-ssulin. Awḍen-d yakk waggawen-is. Qqimen yid-s armi i d-ɣlint tillas ; aṭas n medden i
d-ikecmen ɣur-s ad t-ẓren, wa yusa-d s nniyya, wa yusa-d ibat. Yebda westewtew di taddart, amdan-a aɛni d ibeɛɛac i s-d-yessawlen,
aha tura degmi qqaren tiɣri n tmurt ulac ameẓzuɣ Cčan imensi ; d tilawin n waggawen-is i t-id-yessewwen. Cwiṭ i
s-d-yeggran ad izeggen yiḍ, mi yeɣli ɣer wussu. Targit d tinna i d-yuɣalen : di
snat yid-sent i d-rzant ɣur-s, rrant-ţ d alemmas, yemma-s si tama, tameṭtut-is
si tama nniḍen. Tamenzut la t-teţhuzzu, tis-snat la tettezmumug, ferḥent
yis-s, neţţa daɣen yefreḥ yetthenna. Ata-n taggara di taddart anida ilul. Ddeqs i yeqqim akken, iteffeɣ
ikeččem, d awerdan di tmurt-is, d inebgi deg wexxam n baba-s. Timuɣliwin i
d-iɣellin fell-as tekksen azgen deg icettiḍen yelsa, isteqsiyen i d-iteffɣen
deg imawen Targit, yal iḍ, ad d-terzu ɣur-s. Ad isebbel yakk ussan i s-d-yeggran ɣef
yiwet n tnafa gar-asent. Aggawen-is bedden yid-s aṭas. Tamsalt n wučči d
tduli, akken i s-yehwa i yella. Yiwen yiḍ, yeṭtef-it buneggaf winna s-wayes i d-yegla si ṭtrad, aṭtan
yezzuɣur wi-cfan aya, aṭtan i s-yerran qraḍ imuren di tmeddurt-is d ilili, i
s-igezzmen ifadden tal tikkelt mi ara d-tezzi tegrest. Tazɣent n tikkelt-a Ddmen-t waggawen-is ɣer ssbiṭar. Dinna i nemlal. Icenfiren d izegzawen,
idmaren la jebbden am tissirt yezzaḍen aḍu, ifadden qquren, accaren d
tidebbuzin yeţnadi uḍebbal. Yeqqim di ssbiṭar, ulac s-syin tuffɣa alamma
tenqes tegrest, ma ixu¥s-it l'oxygne yiwen wass, azekka-nni ad t-ẓzun, ad
yinig ddaw tmurt. Mi d-yuki seg umeɣrud i t-yeṭtfen, cwiṭ cwiṭ trezzu-t-id tudert, nuɣal
nufa nemyezg-d, yal ass neţmeslay kra. D neţţa i yi-d-yewwin tamsalt-is s
yimi-s. _ Uggaɣ ad rnuɣ ad ffẓeɣ aɣrum ! _ Ass-a yif iḍelli, drus i k-d-yeggran ad teffɣeḍ. Mi trefdeḍ cwiṭ
iman-ik tzemreḍ, ddem rruplan, di Fransa ɣur-sen ţţawil, a Dda-Arezqi. _ D ibeɛɛac i yi-d-yessawlen, a mmi ! Asmi i d-usiɣ, nniɣ-ak mačči usiɣ-d
|
Numéro 17 Novembre 2004
Adresse de messagerie
électronique :ayamun2@Hotmail.com
Adresses Web: www.ayamun.com
tanemmirt, i kra i¥Zuren ayamun, cyber-tasàunt n tsekla imaziàen, ar tufat !
@Copyright ayamun 2004
Dernière révision : 19 Novembre 2004